Psalms 57
Tumtheih makaipa ading. “Susia kei in” cih aw a sak ding. David phuah. Miktam ▼▼ 0 Thulu: Lailam ahikeh tumtheihlam kamzat hi kha ding. khat. Saul kiang pan suanghawm sunga a taikhiat lai.
1 Kei hong lainat in Pasian aw, kei hong lainat in;ka hinna in nang hong bel hi; b
vangsiatna a bei mateng na khate liim sung kong beel ding hi. c
2 Sang Pen Pasian, kei adingin
ama hoihsak banga a tangtungsak Pasian’ tungah ka kiko hi. d
3 Amah in van pan sawlin kei hong honkhia a, e
lungso-a kei hong delhte a taihilh hi; f
Pasian in ama itna le a muanhuaina hong sawl hi. g
4 Humpinelkaite laizangah ka om a;
a hate uh teipite le thalthangte ahi,
a leiite uh namsau hiamte ahi mi - h
gamsa gilkialte lakah ka lum hi.
5 Pasian aw, vante tunglam ah kitawisang inla,
leitung khempeuh tungah na min thangsak in. i
6 Ka khe lenthang siah uh a - j
lungdongin ka boksuk hi. k
Amaute in ka lampi ah gum to uh a -
ahi hangin amau mah a sungah kia uh hi. l
7 Ka lungkip hi, Pasian aw,
ka lung a kip hi; m
la ka sa dinga, ka gingsak ding hi.
8 Ka hinna aw khanglo in!
Harp le lyre aw khanglo dih un!
Phalvak ka phong ding hi.
9 Topa aw, minamte lakah nang kong phat dinga;
mite lakah nang, la kong sak ding hi.
10 Ahang in, na itna lian in vante ban a;
na muanhuaina in huihkhuate a ban hi. n
11 Pasian aw, vante tunglam ah kitawisang inla; o
leitung khempeuh tungah na min thangsak in.
Copyright information for
ZomZIV